Elghada's Blog

يناير 16, 2011

مربى الجوز

Filed under: المربايات السورية — elghada @ 9:52 ص

مربى الجوز

المقادير

50 حبة جوز أخضر
كيلو و نصف سكر ( تقريبا 6 كوب من السكر )
كوب ماء
رشة ملح ليمون
ملعقة صغيرة جوزة الطيب مطحون
نصف ملعقة صغيرة قرنفل مطحون
ربع ملعقة صغيرة فلفل أسود مطحون


الطريقة

منقشر الجوز باستخدام سكينة و منتخلص من الجزء القاسي الصغير من أعلى الجوزة ( مكان التقاء حبة الجوزة بغصن الشجرة ) بعدها بتعملي فيه ثقوب باستخدام سيخ معدني رفيع
بعدها يوضع الجوز في مرطبان بلور و يغمر بالمي و يترك منقوع لمدة عشر أيام من دون تغيير المي

بعد مرور العشر أيام يغير الماء على الجوز و يترك لمدة أربع أيام اضافية مع تغيير الماء كل يوم , و هل المرحلة لحتى يحلى الجوز و نخلص من كل مراره.

هلا منغمر الجوز بالماء و نرفعه على نار متوسطة و نتركه حتى يبدأ يغلي , بس ما منخليه يغلي و لااااا غلوة و قبل ما يغلي أول غلوة يرفع من الماء على مصفاة و مباشرة تحت المي الباردة لحتى يبرد .

مقسم السكر على ثلاثة أقسام , منحط أول قسم مع الماء حتى يذوب السكر تماماً على النار و منخليه يغلي لحتى يذوب السكر بعدها نتركه حتى يبرد شوي بحيث تقدر يدك تتحمل سخونته, وقتها يضاف الجوز و بتخليه لمدة 24 ساعة .

– بعد مرور يوم كامل ترفع حبات الجوز من القطر وبتضيفي القسم الثاني من السكر و بتغليه مجدداً حتى يذوب السكر , و بتخلي القطر يبرد شوي لحتى تقدري تتحملي حرارة القطر بطرف اصبعك عندها يضاف الجوز و يترك لمدة 24 ساعة .

هلا أخر مرحلة بعد مرور يوم كامل ترفع حبات الجوز من القطر و يضاف القسم الثالث من السكر مع البهارات و ملح الليمون و بتغليه حتى يذوب السكر , و بعدها يضاف الجوز وبتتركيه حتى يغلي أربع غلوات فقط .
صار المربى جاااهز , بتعبيه في مرطبان زجاجي و بتغمريه بقطره و يوضع في البراد حتى وقت التقديم و الأحسن أنك تتركيه كم يوم قبل تقديمه لحتى يتشرب النكهات اللذيذة للبهارات

اكتب تعليقُا »

لا توجد تعليقات حتى الأن.

RSS feed for comments on this post. TrackBack URI

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: